កំពង់ស្ពឺ៖ នៅថ្ងៃអាទិត្យ ទី៧ ខែមិថុនា ឆ្នាំ២០២៦នេះ លោក ម៉េង ស្រ៊ុន សមាជិកអចិន្ត្រៃយ៍ នៃគណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រង ខ២៦.២ បានចាត់ក្រុមការងារគណបក្សចុះមូលដ្ឋានឃុំអមលាំង លោក ទួន ផាវ ប្រធានគណបក្សឃុំអមលាំង និងលោក ភូ ឌីសាឌីន អញ្ជើញចុះសួរសុខទុក្ខនិងនាំយកអំណោយជាថវិការនិងគ្រឿងឧបភោគបរិភោគឧបត្ថម្ភដល់គ្រួសារ លោក ឈួន សុខន ស្មៀនឃុំអមលាំង ដែលប្រពន្ធទើបនឹងសម្រាលកូន(ឆ្លងទន្លេ) ហើយកំពុងសម្រាកលំហែមាតុភាពនៅមណ្ឌលសុខភាពអមលាំង ស្រុកថ្ពង ខេត្តកំពង់ស្ពឺ។
នាឱកាសសួរសុខទុក្ខនោះដែរ លោក ទួន ផាវ និងលោក ភូ ឌីសាឌីន ជាតំណាងបានសំណេះសំណាល ជាពិសេសក៏បានពាំនាំនូវការផ្តាំផ្ងើរសួរសុខទុក្ខ ព្រួយបារម្ភ អបអរសាទរពីសំណាក់ លោក ម៉េង ស្រ៊ុន ប្រធានក្រុម ការងារគណបក្សចុះមូលដ្ឋានឃុំអមលាំង
ចំពោះ លោក ឈួន សុខន ស្មៀនឃុំអមលាំង និងភរិយា ព្រមទាំងក្រុមគ្រួសារ ដែលទទួលបាននូវសមាជិកថ្មីដែលប្រកបដោយសុខភាពល្អ នាំលាភសំណាងដល់គ្រួសារផងដែរ។ក្នុងនោះក៏បាននាំយកនូវអំណោយដ៏ថ្លៃថ្លារបស់របស់ លោក ម៉េង ស្រ៊ុន ជាថវិការនិង សម្ភារៈគ្រឿងឧបភោគបរិភោគរួមមាន៖ថវិកាចំនួន ២០០,០០០ រៀល ,អង្ករ ២បាវ,មី ២កេះ,ទឹកស៊ីអ៊ីវ ២យួរ,ទឹកត្រី ២យួរ និងត្រីខ ២យួរ ប្រគល់ជូនដល់គ្រួសារលោក ឈួន សុខន ថែមទៀតផង៕
