ខេត្តព្រៃវែង៖ បុគ្គលម្ចាស់កាស៊ីណូយីហោ ម៉ូណាកូ (MONACO) ហ៊ានបើកអោយពលរដ្ឋខ្មែរ និងជជនជាតិវៀតណាម ឆ្លងដែនចេញចូលលេងល្បែងស៊ីសងយ៉ាងគគ្រឹក គគ្រេង ខណះអាជ្ញាធរ និងសមត្ថកិច្ចមូលដ្ឋាន មិនហ៊ានចាត់វិធានការបង្ក្រាប បែជារក្សាភាពស្ងៀមស្ងាត់ទៅវិញ ។
នៅពេលថ្មីៗនេះ តាមប្រភពពីប្រជាពលរដ្ឋរស់នៅក្នុងភូមិកគោ ឃុំបន្ទាយចក្រី ស្រុកព្រះស្តេច ខេត្តព្រៃវែង បានឲ្យដឹងថា កាស៊ីណូ ម៉ូណាកូ (MONACO) កំពុងបើកឲ្យពលរដ្ឋខ្មែរនិងជនជាតិវៀតណាមឆ្វៀតណាម ចេញចូលលេងល្បែងចាក់ភ្នាល់ដាក់សុីសង ជល់មាន់ បៀរ អាប៉ោង យូគី យ៉ាងគគ្រឹកគគ្រេង ដោយសេរី តែអាជ្ញាធរនិងសមត្ថកិច្ចមូលដ្ឋានស្រុក.ខេត្ត.មិនហ៊ានធ្វើការទប់ស្កាត់និងបង្ក្រាបនោះទេ បែជានាំគ្នាបំភ្លេចគោលនយោបាយ ភូមិ ឃុំ សង្កាត់ មានសុវត្ថិភាព ៧ចំណុច ដែលរាជរដ្ឋាភិបាលបានដាក់ចេញដោយក្រសួងមហាផ្ទៃវិញ។
ពលរដ្ឋយល់ថា អាជ្ញាធរថ្នាក់ឃុំ ស្រុក ខេត្ដ និងសសមត្ថកិច្ច មិនគួរបណ្តែតបណ្តោយ ឲ្យបុគ្គលជាម្ចាស់ កាសុីណូ ម៉ូណាកូ (MONACO) បើកអោយក្រុមញៀនល្បែង ជាពិសេសពលរដ្ឋខ្មែរ និងជនជាតិវៀតណាមឆ្លងដែនចេញចូលលេងល្បែង ជល់មាន់ បៀរ អាប៉ោង និងយូគី និងល្បែងផ្សេងៗជាច្រើនប្រភេទទៀត យ៉ាងគគ្រឹក គគ្រេងធ្វើអោយពលរដ្ឋដែលរស់នៅក្បែរទីតាំងនោះ មានការព្រួយបារម្ភភ័យខ្លាច បញ្ហាអសន្តិសុខ សង្គម និងអំពើចោរកម្ម ចោរលួច ចោរឆក់ ចោរប្លន់ ចោរគាស់ផ្ទះ និងប្រើអំពេីហឹង្សាគ្រួសារ គ្រឿងញៀនជជាដើមផ្ដើមចេញពីល្បែងសុីសងនេះឯង។
ពលរដ្ឋសំណូមពរ លោកឧត្តមសេនីយ៍ទោ ឈឿន ប៊ុនឆន ស្នងការដ្ឋាននគរបាលខេត្ត និងឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង មិនគួរមើលរំលងបញ្ហាកើតមានល្បែងសុីសងទាំងនេះទេ គួរមានវិធានការ ឲ្យលោក ចៅហ្វាយស្រុក ព្រះស្តេច និងលោក ជៃ សេងហ៊ាង អធិការដ្ឋាននគរបាលស្រុកព្រះស្ដេច កុំឲ្យបណ្ដែតបណ្តោយ ឲ្យម្ចាស់កាសុីណូ ម៉ូណាកូ(MONACO) បើកអោយពលរដ្ឋខ្មែរ និងជនជាតិវៀតណាម ឆ្លងដែន ចេញចូលលេងលល្បែងសុីសង ជល់មាន់ទ្រង់ទ្រាយធំ នៅក្នុងកាសុីណូម៉ូណាកូ(MONACO) ក្នុងមូលដ្ឋានរបស់ខ្លួនគគ្រប់គ្រងយ៉ាងនេះនោះទេ គួរតែចាត់វិធានការទប់ស្កាត់បង្ក្រាប់ឲ្យបាន ឲ្យស្របតាមបទបញ្ជាប្រមុខថ្នាក់ដឹកនាំដាក់វិធានការ ។
