ឧត្តរមានជ័យ៖នាថ្ងៃទី០៩ ខែកុម្ភៈ ឆ្នាំ២០២៥ យោងតាមបទបញ្ជាលោកឧត្តមសេនីយ៍ទោ ខូវ លី ស្នងការនគរបាលខេត្តឧត្ដរមានជ័យ លោកវរសេនីយ៍ទោ ហម ភិរក្ស ស្នងការរងផែនការងារនគរបាលព្រហ្មទណ្ឌ ចុះស្រាវជ្រាវ និងបង្ក្រាប បទល្មើសលួចម៉ូតូ នៅចំណុចផ្ទះជនរងគ្រោះ ស្ថិតនៅភូមិប្រាសាទភ្នំដី សង្កាត់បុស្បូវ ក្រុងសំរោង ចាប់ឃាត់ខ្លួនជនសង្ស័យ បានចំនួន ០៥នាក់ ក្នុងនោះអ្នកធ្វើសកម្មភាពលួច ចំនួន ០២នាក់ ៖

១.ឈ្មោះ ហាវ លីពៅ ភេទប្រុស អាយុ ៣៤ឆ្នាំ រស់នៅភូមិកំណប់ សង្កាត់ បន្សាយរាក់ ក្រុងសំរោង ខេត្តឧត្ដរមានជ័យ ឃាត់បាននៅចំណុច ភូមិបុស្បូវ សង្កាត់បុស្បូវ ក្រុងសំរោង
២.ឈ្មោះ ម៉ៅ សុផៃ ភេទប្រុស អាយុ៣២ឆ្នាំ រស់នៅភូមិអូរក្រវ៉ាន សង្កាត់បន្សាយរាក់ ក្រុងសំរោង ខេត្តឧត្តរមានជ័យ មុខរបរ កសិករ ជាម្ចាស់ផ្ទះ យកម៉ូតូទៅទុកលាក់ ។

និងទទួលផលចោរកម្ម ចំនួន ០៣នាក់ ៖
១.ឈ្មោះ ព្រំ សុភាព ភេទប្រុស អាយុ ៣៦ ឆ្នាំរស់នៅភូមិពុរ សង្កាត់សំរោង ក្រុងសំរោង
២.ឈ្មោះ ជា ក្រចេះ ភេទប្រុស អាយុ ៣៤ ឆ្នាំ រស់នៅភូមិកំណប់ សង្កាត់បន្សាយរាក់ ក្រុងសំរោង
៣.ឈ្មោះ ម៉ឺន សុខណា ភេទប្រុស អាយុ ៤៥ ឆ្នាំរស់នៅភូមិកំណប់ សង្កាត់បន្សាយរាក់ ។

បច្ចុប្បន្ន ជនសង្ស័យខាងលើ ត្រូវបានឃាត់ខ្លួន បញ្ជូនទៅសាលាដំបូងខេត្ត ចាត់ការបន្តតាមនីតិវិធីច្បាប់ ៕