សៀមរាប៖ យោងតាមសេចក្តីរាយការណ៍បានឲ្យដឹងថា នៅថ្ងៃទី០៧ ខែកុម្ភៈ ឆ្នាំ២០២៥ នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ត្រង់ចំណុចចុះចំណោត ភូមិទី៦ ឃុំយាយម៉ៅពេជ្រនិល ស្រុកភ្នំស្រួច មានករណីគ្រោះថ្នាក់ចរាចរណ៍បានកើតឡើងបណ្តាលឲ្យមនុស្ស៣នាក់បាត់បង់ជីវិត។
យោងតាមប្រភពពីសមត្ថកិច្ចបានឲ្យដឹងថា គ្រោះថ្នាក់នេះកើតឡើងរវាងរថយន្ត១គ្រឿង ម៉ាក HYUNDAI ពណ៌ស ពាក់ផ្លាកលេខភ្នំពេញ3E-7768 បើកបរដោយឈ្មោះ រ៉ុង ធួក ភេទប្រុស អាយុ៤៨ឆ្នាំ នៅភូមិបឹងតាមុំ ឃុំផុង ស្រុកបសេដ្ឋ ខេត្តកំពង់ស្ពឺ បើកបរកើតទៅលិច ខណៈដែលមកដល់ចំណុចខាងលើ បានទៅបុករថយន្ត០១គ្រឿង ម៉ាក ISUZU ពណ៌ស ពាក់ផ្លាកលេខភ្នំពេញ3F-8332 បើកបរដោយឈ្មោះ ឃីម ស៊ាងហ៊ន់ ភេទប្រុស អាយុ២៦ឆ្នាំ រស់នៅភូមិដំណាក់ស្នួល ឃុំគោគគង់ ស្រុកកញ្ជៀច ខេត្តព្រៃវែង អ្នករួមដំណើរ១នាក់ក្នុងទិសដៅបញ្ច្រាសទិសគ្នា។
ក្នុងហេតុការណ៍នោះ បណ្ដាលឲ្យមនុស្ស០៣នាក់ បាត់បង់ជីវិត និងខូចខាតរថយន្តទាំង២គ្រឿង។
អធិការនគរបាលស្រុកភ្នំស្រួច បានអោយដឹងថា ក្រោយទទួលបានព័ត៌មានពីហេតុការណ៍គ្រោះថ្នាក់ខាងលេី លោកបានបញ្ជាអោយកំលាំងនគរបាលដែលប្រចាំការនៅគោលដៅលោកយាយម៉ៅ ប៉ុស្តិ៍នគរបាលរដ្ឋបាល និងផ្នែកសណ្ដាប់ធ្នាប់ ចុះសម្រួលសង្រ្គោះបន្ទាន់ ប៉ុន្ដែអកុសលដោយសារអ្នកដំណេីរក្នុងរថយន្ដរបួសធ្ងន់ទេីបបណ្ដាលអោយស្លាប់។
មូលហេតុនៃគ្រោះថ្នាក់នោះ ត្រូវបានផ្នែកជំនាញសន្និដ្ឋានថា បណ្ដាលមកពីអ្នកបេីកបររថយន្ដស្ទួចរេចង្កូតទៅផ្នែកគន្លងផ្លូវរថយន្ដដែលចុះចំណោទ ទេីបបណ្ដាលអោយបុកគ្នាតែម្ដង។ក្រោយកើតហេតុ វត្ថុតាងរថយន្ដទាំង២គ្រឿងសមត្ថកិច្ចបានស្ទួចយកមករក្សាទុកនៅអធិការដ្ឋាននគរបាលស្រុកភ្នំស្រួចដើម្បីចាត់ការតាមនីតិវិធី៕
